പൗരസ്ത്യ കൽദായ സുറിയാനി സഭ ഭദ്രാസന ദേവാലയമായ മാർത്ത് മറിയം വലിയപള്ളിയിലെ കുരിശുപള്ളിയിൽ നടക്കുന്ന കുരിശിന്റെ ശക്തി പ്രാർത്ഥന ശുശ്രൂഷ പതിനഞ്ചാം വാർഷികം സമുചിതമായി ആഘോഷിച്ചു.15 വർഷം ശുശ്രൂഷകൾക്ക് നേതൃത്വം നൽകിയ ഫാദർ സി കെ യോഹന്നാൻ, ഫാദർ മൈക്കിൾ വളവന്ത്ര, ഫാദർ സണ്ണി കൂള, ഫാദർ സിഡി പോളി, ഫാദർ ഡേവിഡ് കെ ജോൺ, ഫാദർ ബിനു ജോസഫ്, ഫാദർ സിറിൽ ആൻറണി എന്നിവർക്ക് അഭിവന്ദ്യ ഡോക്ടർ മാർ അപ്രേം മെത്രാപ്പോലീത്ത സ്വർണ്ണ കുരിശ് നൽകി ആദരിച്ചു. ഡോക്ടർ മാർ യോഹന്നാൻ യ്യോസേഫ് എപ്പിസ്കോപ്പ നേർച്ച പായസം ആശിർവദിച്ചു. ജാക്കോബറ്റ് സിറിയൻ ചർച്ച്, കട്ടിലപൂവം അസിസ്റ്റൻറ് വികാരി ഫാദർ ബിമോഷ് മുഖ്യ പ്രഭാഷണം നടത്തി . വലിയപള്ളി വികാരി ഫാദർ സിറിൽ ആൻറണി അസിസ്റ്റൻറ് വികാരി ഫാദർ സിജോ ജോണി, കൈക്കാരൻ സോജൻ പി ജോൺ, കൺവീനർ റോയ് എലുവത്തിങ്കൽ, എന്നിവർ ചടങ്ങുകൾക്ക് നേതൃത്വം നൽകി.
